Also, wenn mer irchendwas besonders had herausheb woll, dann had mer des mid em Kaiser in Verbindung gebrachd. [...] Awer dass jede Schdadt, die eweng was auf sich häld ihr eichene Kaiserschdrass had is wahrscheins e Dradidsion aus der nach dem echde Kaiser benannde Zeid. [...]

Awer des soll ja jedzd alles in dene Arcaden am Bahnhof neu endschdeh. Gott sei Dank dürfe die Würzburcher dadrüwer abschdimm, ob se sowas wolle odder liewer net. Awer wenn's so kommd, un dann Hunderdausende von Kunden durch die Kaiserschdrass laufe um die Inneschdadt vor der Verödung zu bewahrn, wern die an des alde Schbrichword denke: Owe hui un unne pfui. Un die Kaiserschdrass kann dann umbenannd wer in "Strasse zu den Arcaden". Dafür lässd sich beim Invesdor beschdimmd noch e Badze Geld rausschlach, mid dem mer dann e neues Sanierungsfass aufmachd.